Gələn ilin yanvarın 1-dən etibarən Sumqayıtda fərdi qaydada fəaliyyət göstərən (muzdlu işçi cəlb etmədən işləyən) bir sıra peşə sahiblərinin sosial sığorta haqları artırılacaq.

Sumqayit.tv xəbər verir ki, bu barədə dəyişiklik “Sosial sığorta haqqında” qanuna təklif edilən düzəlişdə əksini tapıb. Layihə Milli Məclisin İqtisadi siyasət, sənaye və sahibkarlıq komitəsinin iclasında müzakirəyə çıxarılıb.

Yeni dəyişikliyə əsasən:

Toy aparıcıları, aşıqlar, çalğıçılar, rəqqaslar, məzhəkəçilər və oxşar fəaliyyət növləri ilə məşğul olan şəxslər üçün sosial sığorta haqqı minimum əməkhaqqının 5 faizindən 8 faizinə qaldırılır.

Bərbər, pinəçi, dərzi, aşbaz, sürücü, dayə, bağban, ofisiant, fərdi baytar və ev qulluqçuları üçün isə bu göstərici 3 faizdən 5 faizə yüksəldiləcək.

Qanun dəyişikliyinə əsasən, Sumqayıt şəhəri üzrə sosial sığorta haqqı 1,5 əmsalla hesablanacaq.

Yəni, paytaxtdan sonra ən yüksək sosial sığorta ödənişi tətbiq ediləcək bölgələrdən biri Sumqayıt olacaq.

Qeyd edək ki, bu qərarın məqsədi qeyri-formal məşğulluğun azaldılması və sosial müdafiənin gücləndirilməsidir.

Bu gün, 16:18 25