Zəfər Günü və Dövlət Bayrağı Günü ilə əlaqədar qeyri-iş günü elan edilən 8, 9 və 10 noyabr tarixlərində “Azərpoçt” MMC ölkə üzrə, o cümlədən Sumqayıt şəhərində əhaliyə poçt, maliyyə, karqo və digər xidmətlərin fasiləsiz göstərilməsini təmin etmək məqsədilə xüsusi iş rejimində fəaliyyət göstərəcək.

Sumqayit.tv xəbər verir ki, bayram günlərində Sumqayıt şəhəri AZ5000 indeksli Müştəri Xidmətləri Şöbəsi və Xırdalan şəhəri AZ0100 indeksli şöbə vətəndaşların xidmətində olacaq.

“Azərpoçt”dan verilən məlumata görə, qeyd edilən şöbələr saat 09:00-dan 17:00-dək açıq olacaq.

Bununla yanaşı, regionlarda yerləşən digər Müştəri Xidməti Şöbələri 10:00-dan 17:00-dək, bəzi PUDO (təhvil-təslim) məntəqələri isə 09:00-dan 21:00-dək fəaliyyət göstərəcək.

Məlumata əsasən, 11 noyabr tarixində respublika üzrə bütün poçt şöbələri adi iş rejiminə qayıdacaq.

8-11-2025, 09:11 186