Bir müddət öncə Sumqayit.tv-nin redaksiyasına daxil olan işıq problemi haqda məlumat vermişdik.
Belə ki, Sumqayıt şəhəri, 5-ci mkr, 8/12 saylı binanın sakinləri binaya normadan artıq elektrik enerjisinin verilməsinin fəsadlarına diqqət çəkib. Onlar nəticə olaraq tez-tez elektrik avadanlıqlarının sıradan çıxdığını deyir. Belə ki, normaya uyğun  220 volt verilməli olduğu halda, 240-247 volt verilir. Nəticədə elektrik avadanlıqları xarab olur, əlavə xərcə düşürlər. Hətta bina sakinlərindən biri sıradan çıxan soyuducunun təmirinə görə 150 manat pul xərcləməli olub. Hər halda, israf olunan elektrik enerjisi dövlət büdcəsinə də ziyandır. Bina sakinləri 2020-ci ildə bununla bağlı Azərişıqa məktub ünvanlayıb. Amma bu günə qədər Azərişıq məsələyə ciddi yanaşmır. Ara yerdə elektrik enerjisi israf olunur, üstəlik, problem də həll olunmur. Artıq 3 ildi şikayət yazmağımıza rəğmən, 212 mənzili olan binanın problemi həll olunmur. Birinin soyuducusu yanır, birinin paltaryuyan maşını. Bəs bunun pulunu kim ödəyəcək?
Bugünlərdə isə eyni binadan daha bir şikayət daxil olub. İxtisasca elektrik olan Mais Ramixanov bildirir ki, evdə işlənilən tozsoran, ardınca isə  Redmi markalı mobil telefon yanaraq sıradan çıxıb.
Bu hadisədən sonra əraziyə "Azərişıq"ın əməkdaşları gəlib. Problemi həll edəcəklərini deyərək narahatçılığa əsas olmadığını vurğulayıblar. Amma hadisənin üstündən 10 gün keçməsinə baxmayaraq problem həll olunmayıb. Bəs sıradan çıxıb xarab olan tozsoran, soyuducu və telefona görə kim məsuliyyət daşıyır ?! Bundan sonra sıradan çıxacaq texniki avadanlıqlara görə, yanğına, qəzaya görə məsuliyyət kimin üzərində qalacaq?! Belə çıxır ki, "Azərişıq" insanları ələ salır ?!
P.S.Cənab prezident İlham Əliyev dəfələrlə çıxışları zamanı "xalqa xidmət edin" deyə göstəriş verir. Belə çıxır Azərişıq bu sözlərdən nəticə çıxarmaq istəmir ?!