Xatırlayırsızsa, bir müddət öncə Sumqayıt.tv vasitəsiylə Sumqayıt şəhəri 5-ci mkr,  8/12 saylı binanın sakinləri "Azərişıq"dan şikayət etmişdi. Belə ki, normal halda binaya 220 volt elektrik enerjisi verilməli olduğu halda,  240-247 volt verilir.  Nəticədə 216 mənzili olan binada elektrik avadanlıqları- soyuducu, paltaryuyan, tozsoran və mobil telefonlar yanır. Problemlə bağlı bina sakinləri 2020-ci ildən bu yana dəfələrlə "Azərişıq"a müraciət edib. Ancaq problem hələ də həll olunmur. Vəziyyətin düzəlmədiyini görən bina sakinləri prokurorluğa müraciət edib.