Bu gün saytımıza növbəti şikayət daxil olub. 
Sumqayıt.tv xəbər verir ki, şəhərin 6-cı mkr, ev 38, mənzil 29-u su basıb. Kanalizasiya tutulması nəticəsində sözugedən mənzil yararsız hala düşüb. Vətəndaşın məlumatına görə  baş verən qəza ilə əlaqədar  Azərbaycanda istehlakçıları mərkəzləşdirilmiş qaydada içməli su ilə təchiz edən və onlara kanalizasiya xidmətləri göstərən “Azərsu” Açıq Səhmdar Cəmiyyətin qaynar xətt nömrəsi ilə əlaqə saxlanılib. Lakin, adiyyatı qurum problemi aradan qaldırmaq üçün heç bir iş görməyib.. 
 "24 dekabr axşam saatlarında, mənzilimizi su basdı. Suyun mənzilimizə axdığını gördükdə dərhal qaynar xəttə əlaqə saxlayıb vəziyyəti onlara anlatdıq. Bizə deyildi ki, müraciətinizi qeydə aldıq, yaxın saatlarda yardım ediləcək. Zəngimizdən 2 saat keçdi. Lakin yardıma gəlmədilər.  Səhəri gözlədik ki, bəlkə gələrlər. Yenə də gələn olmadı.   Yenidən bir neçə dəfə zəng etdik və eyni sözü eşitdik,  qeydə almışıq gələcəklər. Lakin yenə də yardıma gəlmədilər. Belə yolaverdi  hallar baş verəndə dərhal inansın aglına gələn ilk sual bu olur?  Axı bu qurumlar nə üçün movcuddur? Nədən vətəndaşlar problemlə üzləşdiyi zaman yardım etmirlər?   Axı, belə məsuliyyətsiz insanlar biz vətəndaşların ödədiyi vergilər hesabına dövlət büdcəsindən əməkhaqqı alırlar. O zaman nə üçün vəzifə borclarını yerinə yetirmir?   Bunlara nəzarət edən yoxdurmu? və s.  Hər kəs öz işini doğru-düzgün görsə, ölkəmizdə bu qədər problem olmazdı"-deyə zərər çəkən öz şikayətində bildirib.

Müxbir: Vəsiqə DADAŞOVA