Bu gün Azərbaycan Respublikasının Milli Qəhrəmanı, şəhid, general-mayor Polad Həşimovun doğum günü qeyd olunub.
Sumqayit.tv -in məlumatına görə, şəhid generalın mövludu günu ilə əlaqədar  tədbir 2-ci fəxri xiyabandan başlayıb. Generalın məzarı ziyarət edildikdən sonra,  tədbir iştirakçıları Polad Həşimovun Sumqayıtda yaşadığı evin önünə gələrək onun adına ucaldılmış abidənin qarşisina toplaşib və orada çıxışlar ediblər. Daha sonra isə generalın adına şəhərimizin mərasim evlərindən birində ehsan süfrəsi verilib. 
Tədbirə Sumqayıt şəhər İcra Hakimiyyətinin nümayəndələri, hərbi hissələrin, o cümlədən XTQ-in əsgərləri, qazilər, rayonlardan, eyni zamanda Sumqayıtdan olan şəhidlərin ailə üvləri, generalın dostları və qohumları iştirak ediblər.
Qeyd edək ki, Polad Həşimov 2 yanvar 1975-ci ildə Qəbələ rayonunun Vəndam kəndində doğulub. Polad Həşimov Sumqayıtda məktəbi bitirib. Sonra Heydər Əliyev adına ali məktəbdə təhsil alıb və təhsilini Türkiyədə davam etdirib. Polad Həşimov 2016-cı ildə aprel döyüşlərində iştirak edib və xəsarət alıb. Bundan sonra ona vaxtından əvvəl general rütbəsi verilib.
General-mayor Polad Həşimov iyulun 13-dən 14-ə keçən gecə səhərə yaxın Tovuz rayonu istiqamətində döyüş zamanı qəhrəmancasına şəhid olub.
İyulun 14-də general-mayor Polad Həşimovun nəşi əvvəlcə doğulduğu Qəbələ rayonunun Vəndam qəsəbəsinə, sonra isə yaşadığı Sumqayıt şəhərinə gətirilib. General iyulun 15-də II Fəxri Xiyabanda dəfn olunub.
9 dekabr 2020-ci il tarixində Prezident İlham Əliyevin sərəncamı ilə Milli Qəhrəman adı verilib.

Müxbir: Vəsiqə Dadaşova