ABŞ Milli Sağlamlıq İnstitutunun (NIH) tədqiqatçıları Covid-19 səbəbiylə ölən, orta yaşı 62.5 olan 44 nəfərin cəsəd yarılma nəticələrini açıqlayıblar.
Sumqayit.tv  xarici KİV-ə istinadən xəbər verir ki, yarılma 2021-ci ilin mart ayında edilib. Meyitlərdən alınan qan nümunələrini araşdıran tədqiqatçılar 38 cəsədin qan plazmasında Covid-19-a səbəb olan SARS-CoV-2 virusu aşkar ediblər. Tədqiqatçılar belə nəticəyə gəliblər ki, 3 cəsədin qan plazmasında SARS-CoV-2 aşkar edilməyib, qalan 3 nəfərdə isə qan plazması olmayıb. Digər tərəfdən, tədqiqatçılar cəsədin müxtəlif hissələrində və ya mayelərində RNT aşkar ediblər. Meyitlərdən 11-nin sinir sistemi toxumalarından geniş nümunələr götürülüb. Cəsədlərdən birində hipotalamus və beyincikdə, ikisində isə onurğa beyni və bazal qanqliyada SARS-CoV-2 RNT-si aşkar edilib.
Bundan başqa, tapılan SARS-CoV-2 RNT-lərinin beyinə verdiyi zərərin "daha az" olduğu qənaətinə gəlinib.
/AZXEBER.COM/