Sumqayıt Şəhidlər Xiyabanında təmir-bərpa işləri davam edir.
Sumqayıt.tv xəbər verir ki, artıq xeyli işlər görülüb. Belə ki, fontan qurğularının baza hissəsi hazır vəziyyətə gətirilib. Güllərin əkilməsi üçün yerlər ayrılıb ki, bunun da ətrafı kiçik işıqlarla əhatə olunacaq. Xiyabanın iç və çöl tərəfində daş plitələr döşənməyə başlayıb. Ərazinin hər tərəfini işıqlandıran yeni işıq dirəkləri quraşdırılıb. Mərkəzdə 8 guşəli ulduz və ayparaşəkilli memarlıq incisi yekunlaşmaq üzrədi. Eyni zamanda burda böyükölçülü əsgər heykəlinin qoyulması nəzərdə tutulub. Xocalı abidəsinin yanında isə Azərbaycan bayrağı yerləşdiriləcək. Ərazidə yeni işıqlandırma lampaları da nəzərə alınıb. Ayrıca inzibati bina da tikilir ki, buranın ibadət üçün də açıq olacağı gözlənilir. Ərazidə yaşıllıq zolağı da nəzərə alınıb. Dairəvi formada inşa olunan hissələrdə isə oturacaqlar quraşdırılacaq. Şəhidlər Xiyabanının dənizə tərəf hissəsinə isə beton dayaq çəkilir ki, bu da sürüşmə riskinin qarşısını alır. İçəriyə girmək üçün istifadə olunan girişlərin sayı isə 6-ya çatdırılıb. 
















Vüsal Hacısoy