Bir neçə gün əvvəl Sumqayıt şəhərinin müxtəlif məhəllələrində quraşdırılan bəzi uşaq əyləncə qurğularının, xüsusilə yelləncəklərin qısa müddətdə sıradan çıxması ilə bağlı məsələ ictimai müzakirələrə səbəb olmuşdu.
Sumqayit.tv xəbər verir ki, mövzu ilə bağlı daha əvvəl qurğuların keyfiyyəti ilə bağlı narazılığını ifadə edən "Sosial Təşəbbüs" MMC-nin rəhbəri Emil Maqalov yeni video müraciət yayımlayıb.
O bildirib ki, qaldırılan problem aidiyyəti qurumlar tərəfindən operativ şəkildə araşdırılıb və müvafiq tədbirlər görülərək məsələ öz həllini tapıb.
Emil Maqalov göstərilən diqqət və həssas yanaşmaya görə Sumqayıt Şəhər İcra Hakimiyyətinə, bələdiyyəyə və prosesdə iştirak edən digər aidiyyəti qurumlara təşəkkürünü ifadə edib.
Onun sözlərinə görə, sakinlərin müraciətlərinə çevik reaksiya verilməsi şəhərdə ictimai nəzarət və vətəndaş-qurum əməkdaşlığının vacibliyini bir daha nümayiş etdirib.
Bu gün, 09:45
8
