Dövlət İmtahan Mərkəzinin (DİM) “Abituriyent” jurnalında dərc olunan elmi-statistik materiallarda 2025/2026-cı tədris ili üzrə buraxılış imtahanlarının nəticələri açıqlanıb.

Sumqayit.tv xəbər verir ki, nəticələrə əsasən, Sumqayıt şəhərinin şagirdləri həm 11-ci, həm də 9-cu siniflər üzrə bir sıra fənlərdə ölkənin ən yüksək göstəricilərini əldə ediblər.

11-ci sinif şagirdləri arasında tədris dili fənni üzrə ən yüksək nəticə göstərən şəhər və rayonlar sırasında Sumqayıt 63,04 orta göstərici ilə ilk beşlikdə yer alıb. Riyaziyyat fənni üzrə isə Sumqayıt 39,49 orta bal ilə ölkədə ikinci nəticəni göstərib.

Xarici dil fənni üzrə də Sumqayıtın göstəricisi yüksək olub. Şəhər 51,78 orta bal ilə ölkə üzrə ilk sıralarda qərarlaşıb.

9-cu sinif şagirdlərinin nəticələrinə gəlincə, Sumqayıt tədris dili fənni üzrə 59,68 orta bal ilə ölkədə birinci olub. Xarici dil fənni üzrə də Sumqayıt 50,39 orta göstərici ilə liderliyini qoruyub.

DİM-in statistikası Sumqayıt məktəblərinin və şagirdlərinin təhsil sahəsində yüksək nəticələr əldə etdiyini bir daha nümayiş etdirir.

Bu gün, 20:37 7