Sumqayıt şəhərində rəsmi qeydiyyatda olan 14292 nəfər şəkərli diabet xəstəsi var. Bu xəstələrdən 1539 nəfəri I tip şəkərli diabet, 12753 nəfər isə II tip şəkərli diabet xəstəsidir.
Sumqayit.tv xəbər verir ki, bu barədə Sumqayıt Tibb Mərkəzindən “Den.az”-ın sorğusuna cavab olaraq bildirilib.
Ancaq bu qədər şəkər xəstəsi olan Sumqayıtda, bir nümunə üçün test tapılmır. Qaynar xəttimizə daxil olan müraciətdə bildirilir ki, 3 aydan çoxdur qeydiyyat olduqları poliklinikalardan şəkər xəstələri üçün test ala bilmirlər. Aldıqları cavab isə budur:
TƏBİB bizə test vermir. Hardan alaq? Özümüzü test edək?
Görəsən Sumqayıt Tibb Mərkəzi rəhbərliyi bu barədə nə düşünür? Adı çəkilən qurumdan problemin həll ediləcəyi bildirilib. Ancaq nə vaxt, bu Allahın ümidinə qalıb.
Mövzuya yenidən qayıdacağıq.