Sumqayıt şəhərində beşmərtəbəli yaşayış binasında yanğın olub. 
Sumqayit.tv xeberle.com-a istinadən xəbər verir ki, yanğın general Məhəmməd Əsədov küçəsində 18-ci mkr.da yaşayış binasında qeydə alınıb. Dərhal hadisə yerinə Dövlət yanğından mühafizə hissəsinin yaxınlıqda olan qüvvələri cəlb olunub. Yanğın yaşayış binasının giriş hissəsində qeydə alınıb. İlkin məlumata görə, məişət tullantılarının alışması yanğına səbəb olub.
Baş vermiş yanğın Fövqəladə Hallar Nazirliyi Dövlət Yanğından Mühafizə Xidmətinin qüvvələri tərəfindən tam söndürülüb.