Sumqayıt şəhərində cüzi yağış artıq öz fəsadlarını göstərməkdədir.
Sumqayit.tv saytının e-poçt ünvanına daxil olan məlumata görə, şəhərin Hafiz Baxış küçəsini su basıb. Sakinlər bildirirlər ki, həyətə çıxmaq və hərəkət etmək mümkün deyil.

"Küçələr keçilməz haldadır. Övladlarımızı məktəbə aparmaq müşkülə çevrilib. Əgər, adi çiskin nəticəsində evlərin yanından keçən lüklar və turbalar belə aşıb-daşırsa leysan yağışlar, yağdığı halda vəziyyətin necə olacağını indidən təsəvvür etmək olar. Hadisə ilə bağlı dəfələrlə Sumqayıt Su Kanal idarəsinə müraciət etsək də, hadisə yerinə texniki qurğular cəlb edilmir. Bir sözlə düşdüyümüz acınacaqlı vəziyyətə əncam çəkən yoxdur. Bilmirik kimə müraciət edək", - deyə şikayətçilər bildiriblər.

13-12-2023, 18:25 144