11.02.2020 – 23.12.2023 tarixləri arasında Füzulidə müxtəlif dövlət qurumları tərəfindən keçirilən tenderlərin ümumi həcmi 5 407 606 manat olmuşdur.
Sumqayit.tv FED.az-a istinadən xəbər verir ki, keçirilən tenderləri sayca ən çox udan şirkət "Art-Proje" MMC şirkətidir. Sözügedən şirkət Füzuli rayonunun 4 dövlət qurumunun keçirdiyi tenderin qalibi seçilib. Şirkətin qalib olduğu tenderlərin ümumi həcmi isə 465 232 manat təşkil edir.Qeyd edək ki, "Art-Proje" MMC 2001-ci ildə yaradılıb, nizamnamə kapitalı 1 370 010 AZN təşkil edir. Şirkətin qanuni təmsilçisi Əkram Əliyev Musa oğludur. Hüquqi ünvanı AZ5000, Sumqayıt Şəhəri, Novxanı Bağ Massivi, Ev 4829A ünvanında yerləşir."Uğurlu İnşaat" MMC , "Sqs Group" MMC , Ağdam Melioservis İdarəsi və "Tiim" MMC şirkətləri isə Füzulidə keçirilən tenderlərdən hər biri ayrı ayrılıqda 3 tenderin qalibi olub. Sözügedən şirkətlərdən "Uğurlu İnşaat" MMC 734 904 manat, "Sqs Group" MMC 528 382 manat, Ağdam Melioservis İdarəsi 525 281 manat və "Tiim" MMC 207 538 manat həcmində olan tenderləri udublar.Başqa şirkətlər isə rayonda dövlət qurumları tərəfindən keçirilmiş 2 və daha az tenderi uda biliblər.