Dünya xalqları arasında belə bir ifadə var: Mədəniyyət yoldan başlayır.  Yol həm də təkcə mədəniyyət deyil. Eyni zamanda yol iqtisadiyyatdır, yol insanların rahatlığı üçün həyatdır. 
Elə bu səbəbdəndir ki, son illər ölkəmizin yol infrastrukturlarının inkişaf edtdirilməsi istiqamətində böyük işlər görülüb.  Görülən işlər həm şəhərlərarası, həm də məhəllədaxili yollarda bariz şəkildə görünməkdədir. 
Lakin elə yerlər var ki, oranın sakinləri hələ də yol qayğısı çəkməkdədirlər. Yol problem üzündən qayğı çəkən sakinlər arasında, Saray qəsəbəsinin insanlarının olduğu iddia edilir.
Sumqayit.tv-yə daxil olan şikayətə görə, Saray qəsəbəsi “Tərlan” Şadlıq Sarayının qarşısından keçən yoldan vətəndaşlar əziyyət çəkir.  Şikayətçilərin bildirdirirlər ki, sözügedən ərazinin yol ifrastrukurları bərbad gündə olmaqla yanaşı, işıqlandırma sistemi də pis  vəziyyətdədir.  “Bu yol xüsusən də axşamlar həm sürücülər üçün, həm də massivdə yaşayan piyadalar üçün təhlükə mənbəyinə çevrilib. Dəfələrlə məlum problemin aradan qaldırılmasından ötürü aidiyyatı qurumlara müraciət etsək də yolu düzəltmək əvəzinə, yola radarlar və işıqfor quraşdırıblar. Xahiş edirik üzləşdiyimiz problemin aradan qaldırılmsı üçün, məsləni işıqlandırın ki, bəlkə aidiyyatı instansiyalar məlumat tutub bir əncam çəklər.”- deyə şikayət məktubunda bildirilir.
Qarşı tərəfi dinləməyə hazırıq.