“Yaşıl Dərə”də küçə itləri insanları qorxu altında saxlayır. 
Bu barədə Sumqayit.tv-yə, Sumqayıt şəhər “Yaşıl Dərə” adlanan ərazinin, 6-cı massivində yaşayan izləyicimiz tərəfindən məlumat daxil olub. 
Müraciət edən şəxsin məlumatına görə,  “Yaşıl Dərə” ərazisindəki 6 masivində yasayan insanlar qrtıq 2-3 ildir ki, itlərin qorxusu ilə yaşayırlar. 
“Belə ki, sözügedən ərazidə yaşayan ana-bala həyətlərində 20-30 sayda it saxlayırlar. Digər sahibsiz itlər də, həmin itlərə görə yaşadığımız məntəntəqəyə yığışır. Belə bir şəraitdə bötyüklər işə, uşaqlar isı məktəbə qorxaraq gedirlər. Bilmirik kimə müraciət edək. Demək olar ki, məhəlləmizə yığışan itlərin qorxusundan küçəyə çıxa bilmirik. Hər an xoşagəlməz hadisə baş verə biləcəyindən ehtiyatlanırıq. Xahiş edirik bizim üzləşdiyimiz problemi işıqlandırasınız ki, aidiyyatı qurumlar məsələdən xəbərdar olsunlar”.-deyə, şikayətçi bildirib.
Sumqayit.tv olaraq məsələyə işıq tutduq. Ümid edirik ki, aidiyyatı qurumlar adıkeçən ünvandakı həm sahibsiz itlərlə, həm də həyətində 20-30 it saxlayan ana-bala ilə bağlı, Azərbaycan Respublikasının yaşayış məntəqələrində it, pişik və ya digər ev heyvanlarının saxlanması statusuna cavab verən yoxlanış aparacaq.