Sumqayıt şəhərinin Corat qəsəbəsində qaz təchizatı müvəqqəti olaraq dayandırılacaq.

Sumqayit.tv xəbər verir ki, bu barədə “Azəriqaz” İB-nin Sumqayıt Qaz İstismar Sahəsindən məlumat verilib.

Bildirilib ki, Corat qəsəbəsinin bir hissəsində yerləşən, diametri 57 millimetr olan qaz xətti nəqliyyat vasitəsi tərəfindən zədələnib. Nəticədə qaz sızmasının qarşısını almaq məqsədilə 07 noyabr 2025-ci il, saat 13:00-dan etibarən 600 abonentin qaz təchizatı dayandırılacaq.

Qaz verilişinin bərpası təmir-bərpa işləri başa çatdıqdan sonra mərhələli şəkildə həyata keçiriləcək.

7-11-2025, 12:29 75