Sumqayıt şəhərində və Abşeron bölgəsində bələdiyyə mülkiyyətində olan torpaq sahələrinin satışı üzrə növbəti hərraclar elan edilib.

Sumqayit.tv xəbər verir ki, İqtisadiyyat Nazirliyi yanında Əmlak Məsələləri Dövlət Xidmətinin məlumatına əsasən, dekabrın 10-da ölkənin bir neçə regionunda, o cümlədən Sumqayıt və Abşeronda torpaq hərracları keçiriləcək.

Hərraclar Dövlət Xidmətinin Sumqayıt, Abşeron, Lənkəran, Zərdab, Qazax, Ağstafa, Şabran, İmişli və Balakən ərazi şöbələrində təşkil olunacaq. Satışa bələdiyyə orqanlarına məxsus ümumilikdə 12 torpaq sahəsi çıxarılıb.

Əmlak Məsələləri Dövlət Xidməti bildirir ki, bu cür hərracların keçirilməsi torpaq resurslarından daha səmərəli istifadəni təmin edir və regionlarda sahibkarlığın inkişafına şərait yaradır.

Torpaq hərracları barədə ətraflı məlumatı ƏMDX-in rəsmi internet səhifəsindən əldə etmək mümkündür.

8-11-2025, 09:00 95