Sumqayıt Şəhər İcra Hakimiyyətinin başçısı Zakir Fərəcov noyabrın 7-də şəhərin 9-cu mikrorayonunda sakinlərlə növbəti səyyar qəbul-görüşünü keçirib.

Sumqayit.tv xəbər verir ki, görüşdə İcra Hakimiyyətinin məsul şəxsləri, şəhər təsərrüfatı xidmətlərinin rəhbərləri, şəhid ailələri, müharibə veteranları və yerli sakinlər iştirak ediblər.

Sakinlər tərəfindən əsasən sosial rifah, kommunal xidmətlərin təkmilləşdirilməsi, infrastruktur problemləri, məşğulluq və digər gündəlik məsələlər səsləndirilib.

Şəhər rəhbəri vətəndaşların müraciətlərini diqqətlə dinləyib, bir sıra məsələlər yerindəcə həllini tapıb. Digər müraciətlərlə bağlı isə aidiyyəti təşkilatlara tapşırıqlar verilib və icrasına nəzarət müəyyən edilib.

Qeyd edək ki, Sumqayıt Şəhər İcra Hakimiyyəti vətəndaşlarla birbaşa ünsiyyətin gücləndirilməsini və onların problemlərinin yerində dinlənilərək operativ həllini təmin etməyi əsas fəaliyyət istiqamətlərindən biri hesab edir. Bu məqsədlə təşkil olunan səyyar görüşlər şəhər sakinləri ilə ünsiyyətin möhkəmləndirilməsinə və onların yaşayış şəraitinin yaxşılaşdırılmasına xidmət edir.

8-11-2025, 07:57 77