Şəhərin mərkəzində aparılan təmir işləri, piyadaları avtomobil yolu ilə hərəkət etməyə vadar edir.
Bu barədə Sumqayit.tv-yə verdiyi məlumat verən izləyici bildirir ki, şəhərin 5-ci məhəlləsi, R.Qəhrəmanov küçəsində aparılan təmir işləri sakinlər üçün ciddi narahatlıq yaradıb.
Yol təmirini həyata keçirən müəssisə piyadaların hərəkəti üçün alternativ keçid təmin etməyib. Sakinlərin bildirdiyinə görə, qarşı tərəfə keçmək üçün insanlar təhlükəli şəkildə avtomobillərin sıx hərəkət etdiyi magistral yola çıxmaq məcburiyyətində qalırlar.
Doğurudur təmir aparan "Sky Park Mahal-1" tikinti şirkəti yolun kənarında müvəqqəti narahatlığa görə üzr istədiyini bildirən plakat asıb. Lakin sakinlər hesab edir ki, bu, onların həyatı üçün yaranan təhlükəni əvəz etmir. Videodan da görünür ki, piyadalar üçün ayrılmış keçid imkanları kifayət qədər geniş deyil və təhlükəsizlik standartlarına cavab vermir.
Sakinlər məsələ ilə bağlı aidiyyəti qurumlardan təhlükəsiz alternativ yolun təmin olunmasını tələb edirlər.
Video link:
(30)Sumqayıt TV Official (@sumqayittvofficial) | TikTok
24-11-2025, 22:08
148
