Stansiya Sumqayıt qəsəbəsi və “Dəmiryolunun Yük Həyəti” adlanan ərazidə yaşayan sakinlər qaz təchizatında yaranan fasilələrlə bağlı narazılıqlarını bildirirlər.
Sumqayit.tv-yə daxil olan şikayətə görə, artıq iki gündür ərazidə qaz fasilələrlə verilir, bəzi vaxtlarda isə ümumiyyətlə olmur. Sakinlərin sözlərinə əsasən, yaranmış problem 600 abonentin qaz təminatına təsir göstərir.
Qeyd olunur ki, mövcud vəziyyət xüsusilə soyuq hava şəraitində ailələrin gündəlik məişətinə ciddi çətinliklər yaradır. Bildirilir ki, vətəndaşlar məsələ ilə bağlı aidiyyəti qurumların qaynar xəttlərinə müraciət etsələr də, problemin hələlik həlli ilə bağlı konkret nəticə əldə olunmayıb.
Məsələ ilə bağlı rəsmi qurumların mövqeyini dərc etməyə hazırıq.
28-02-2026, 23:42
150
