Azərbaycan Respublikasının Milli Məclisinin deputatı Səbinə Salmanova Qara Dəniz İqtisadi Əməkdaşlıq Təşkilatının Parlament Assambleyasının (QDİƏT PA) Sosial məsələlər və humanitar siyasət komitəsinin sədr müavini seçilib.
Sumqayit.tv xəbər verir ki, komitənin Albaniyanın paytaxtı Tirana şəhərində keçirilən iclasında deputatın namizədliyi irəli sürülüb.
Toplantıda iştirak edən üzv ölkələrin parlamentariləri Azərbaycan nümayəndəsinin namizədliyini dəstəkləyərək Səbinə Salmanovanı komitənin sədr müavini vəzifəsinə seçiblər.
Qeyd edək ki, QDİƏT PA çərçivəsində fəaliyyət göstərən Sosial məsələlər və humanitar siyasət komitəsi üzv ölkələr arasında sosial və humanitar sahələr üzrə əməkdaşlığın inkişaf etdirilməsini hədəfləyir.
4-03-2026, 17:01
147
