Sumqayıt şəhərinin Hacı Zeynalabdin qəsəbəsində qətl hadisəsi baş verib.

Sumqayit.tv xəbər verir ki, hadisə martın 6-sı səhər saatlarında qeydə alınıb. Məlumata görə, Yevlax rayon sakini, 1977-ci il təvəllüdlü İsmayıl Ramazanov aralarında yaranmış münaqişə zəminində həyat yoldaşı, 1995-ci il təvəllüdlü Mehriban Ağabalazadəyə bıçaqla xəsarətlər yetirib.

Qadın aldığı ağır xəsarətlər nəticəsində hadisə yerində həyatını itirib.

Hadisədən sonra qaçan İ.Ramazanov polis əməkdaşları tərəfindən saxlanılaraq istintaqa təhvil verilib.

Faktla bağlı araşdırma aparılır.