Azərbaycan Qida Təhlükəsizliyi Agentliyi (AQTA) cari ilin mart ayı ərzində ümumtəhsil müəssisələrində apardığı monitorinqlərin nəticələrini açıqlayıb.

Sumqayit.tv xəbər verir ki, açıqlanan siyahıda Sumqayıt şəhərinin bir sıra məktəblərinin də adı yer alıb. Bildirilib ki, şəhər üzrə ümumilikdə 21 ümumtəhsil müəssisəsində ciddi sanitar pozuntular müəyyən edilib.

Qeyd olunub ki, aşkarlanan nöqsanlar əsasən sanitar-texniki və sanitar-gigiyenik vəziyyətin qeyri-qənaətbəxş olması, məhsulların saxlanması zamanı temperatur rejiminə əməl olunmaması, işçilərin tibbi müayinədən keçməməsi, şəxsi gigiyena qaydalarının pozulması, qida bloklarında təmizlik və dezinfeksiya tədbirlərinin aparılmaması ilə bağlı olub.

AQTA tərəfindən yararlılıq müddəti bitmiş və satışı qadağan edilən məhsulların dərhal satışdan çıxarıldığı, məsul şəxslər barəsində inzibati tədbirlərin görüldüyü bildirilib.

Pozuntu aşkarlanan məktəblərin siyahısı:

1. 25 nömrəli tam orta məktəb
2. Z.Hacıyev adına 17 nömrəli tam orta məktəb
3. 16 nömrəli tam orta məktəb
4. N.Gəncəvi adına texniki və təbiət elmləri lisey-məktəb
5. 39 nömrəli tam orta məktəb
6. 2 nömrəli tam orta məktəb
7. 29 nömrəli tam orta məktəb
8. M.Quliyev adına 3 nömrəli tam orta məktəb
9. 13 nömrəli tam orta məktəb
10. M.Müşviq adına 34 nömrəli tam orta məktəb
11. H.Polad adına 28 nömrəli tam orta məktəb
12. 14 nömrəli tam orta məktəb
13. 24 nömrəli tam orta məktəb
14. 7 nömrəli tam orta məktəb
15. 5 nömrəli tam orta məktəb
16. “İstedad” liseyi
17. H.Aslanov adına 22 nömrəli tam orta məktəb
18. 26 nömrəli tam orta məktəb
19. M.Füzuli adına 15 nömrəli tam orta məktəb
20. 19 nömrəli tam orta məktəb
21. Ş.İ.Xətai adına 30 nömrəli tam orta məktəb

Məsələ ilə bağlı aidiyyəti qurumların hansı addımları atacağı maraq doğurur.