Sumqayıt şəhəri 23 nömrəli Texniki fənlər təmayüllü liseyin 11A sinif şagirdi Tuncay Əmiraslanlı böyük uğura imza atıb. O, dünyanın ən nüfuzlu ali təhsil ocaqlarından biri hesab olunan The University of Manchester universitetinin Aerokosmik Mühəndislik fakültəsinə qəbul olunub.

Qeyd edək ki, bu nailiyyət Tuncayın son illərdə qazandığı uğurların məntiqi davamıdır. O, məktəb illəri ərzində Respublika Fənn Müsabiqəsi, Respublika Fənn Olimpiadası və Astronomiya Olimpiadasında dəfələrlə qızıl, gümüş və bürünc medallara layiq görülüb.

Tuncay 9-cu sinifdə buraxılış imtahanında maksimum 300 bal, 11-ci sinifdə isə 275,6 bal nəticə göstərib.

Gənc istedadın bu uğuru Sumqayıt təhsilinin növbəti qürurverici səhifəsi kimi dəyərləndirilir.

Sumqayıt TV olaraq Tuncay Əmiraslanlını təbrik edir, gələcək təhsil həyatında yeni nailiyyətlər arzulayırıq!