Redaksiyamıza Müşfiqabad–Sumqayıt istiqamətində fəaliyyət göstərən 555 nömrəli marşrut avtobusları ilə bağlı sakin şikayəti daxil olub.

Vətəndaşın Sumqayit.tv-yə bildirdiyinə görə, sözügedən marşrut uzun intervalla işləyir, xüsusilə səhər saatlarında sərnişin sıxlığı yaranır və bu da gediş-gəlişdə ciddi problemlərə səbəb olur.

Şikayətdə bildirilir ki, bəzi hallarda avtobuslar dayanacaqda gözləyən sərnişinləri götürmədən hərəkət edir. Müraciət edən şəxs qeyd edib ki, qızı universitetə getmək üçün səhər saatlarında avtobusa minə bilmir və bir neçə dəfə dərsə gecikib.

Sakin həmçinin 55-CF-845 dövlət qeydiyyat nişanlı avtobus sürücüsünün dəfələrlə dayanacaqda saxlamadığını iddia edib.

Vətəndaşlar səhər saatlarında intervalın qısaldılmasını, marşrut sayının artırılmasını və sərnişindaşıma sahəsində yaranan problemlərin aradan qaldırılmasını xahiş edirlər.

Qarşı tərəfin mövqeyini dərc etməyə hazırıq.

Bu gün, 09:53 40