Sumqayıt şəhərinin Corat Bağları yaşayış massivində, 4 nömrəli marşrut xəttinin hərəkət etdiyi yolun bərbad vəziyyətdə olduğu bildirilir.
Sakinlərin Sumqayit.tv-yə verdiyi məlumata görə, xüsusilə Nəriman Nərimanov küçəsi ilə Şəhid Vüsal Allahyarov küçəsinin birləşdiyi hissədən başlayaraq, keçmiş “Dolu Market”, hazırkı “Oba Market” istiqamətinə gedən yol ciddi problemlərlə üzləşib.
Ərazidə asfalt örtüyünün dağılması, iri çuxurların yaranması və yolun yararsız hala düşməsi həm sürücülər, həm də piyadalar üçün çətinlik yaradır. Sakinlər yağışlı havalarda vəziyyətin daha da ağırlaşdığını, nəqliyyat vasitələrinin hərəkətində problemlər yarandığını bildirirlər.
Vətəndaşlar aidiyyəti qurumlardan sözügedən yolun təmir olunmasını və problemin qısa müddətdə aradan qaldırılmasını xahiş edirlər.
VİDEO LİNK: (67)Sumqayıtın Corat Bağları ərazisində yollar bərbad vəziyyətdədir. Sakin... | TikTok
29-04-2026, 20:01
353
