Ermənistanın Baş naziri Nikol Paşinyan Azərbaycan Prezidenti İlham Əliyevlə görüşə hazır olduğunu bildirib.

Sumqayit.tv  “Armenpress”ə istinadla xəbər verir ki, o, bunu Vilnüsdə erməni icmasının nümayəndələri ilə görüşdə vurğulayıb.

Paşinyan görüşdə mina xəritələri haqda danışıb. O bildirib ki, Qarabağı işğalda saxladıqları müddətdə basdırdıqları minaların xəritələrini də Azərbaycan Prezidenti ilə görüşə aparmağa hazırdır.
Paşinyan iddia edir ki, guya Azərbaycanda olan erməni əsirlər geri qaytarılmalıdır.
Onu da deyək ki, Azərbaycan Prezidenti İlham Əliyev son müsahibəsində bütün erməni əsirlərin təhvil verildiyini bildirib. Bundan başqa, İlham Əliyev “France 24” müsahibəsində bildirib ki, Nikol Paşinyanla görüşməyin əleyhinə deyil.
Görüşün ATƏT-in Minsk qrupu tərəfindən təşkil olunarsa, Nikol Paşinyan ilə görüşə etiraz etmir.