ABŞ analitikləri Kreml rəhbərinin iddialarının reallığı əks etdirmədiyini bildirir                                                                                   

Rusiya Prezidenti Vladimir Putin aprelin 29-da ABŞ-ın sabiq prezidenti Donald Trampla telefon danışığı zamanı Ukrayna ilə bağlı məqsədlərindən imtina etməyəcəyini bildirib.

Məlumata görə, 1,5 saat davam edən danışıqda Putin müharibənin gedişi barədə məlumat verərək Rusiyanın strateji təşəbbüsü əlində saxladığını və Ukraynanı geri çəkilməyə məcbur etdiyini iddia edib. O, məqsədlərinə istənilən halda çatacağını, lakin buna diplomatik yolla nail olmağa üstünlük verdiyini də vurğulayıb.

ABŞ-nin Müharibə Araşdırmaları İnstitutu (ISW) isə bu iddiaların reallığı əks etdirmədiyini qeyd edib. Analitiklərin fikrincə, Ukrayna ordusu Rusiyanın 2026-cı ilin yaz-yay hücum planlarını zəiflədərək cəbhə xətti boyunca irəliləyişi xeyli ləngidib.

Ekspertlər bildirirlər ki, Kreml Ukraynanı sülh danışıqlarında güzəştə getməyən tərəf kimi təqdim etməyə çalışsa da, Rusiyanın özü ciddi güzəştlər təklif etmir.

Hesabatda həmçinin vurğulanır ki, Rusiyada müharibənin təsirləri getdikcə daha çox hiss olunur. İqtisadi çətinliklər, artan itkilər və yeni hərbçilərin cəlb olunmasında yaranan problemlər Kremlin mövqeyini zəiflədir.

30-04-2026, 12:59 299