2020-ci ilin noyabr ayından etibarən Azərbaycan döyüş meydanında tapılan 2000-dən çox erməni hərbçisinin meyitini qarşı tərəfə təhvil verib.

Sumqayit.tv xəbər verir ki, bunu Azərbaycanın xarici işlər nazirinin müavini, Əsir və itkin düşmüş, girov götürülmüş vətəndaşlarla əlaqədar Dövlət Komissiyasının üzvü Elnur Məmmədov Bakıda itkin düşmüş şəxslər probleminə həsr olunmuş beynəlxalq konfransda çıxışı zamanı bildirib.

Nazir müavininin sözlərinə görə, itkin düşmüş şəxslər məsələsi qlobal humanitar gündəliyin prioritet mövzularından biridir. O qeyd edib ki, Azərbaycan humanitar prinsiplərə sadiq qalaraq döyüş meydanında aşkarlanan 2000-dən çox erməni hərbçisinin meyitini Ermənistana təhvil verib.

30-06-2026, 14:41 74