İranın sabiq Ali Rəhbəri Ayətullah Seyid Əli Xameneinin dəfn mərasimində Azərbaycandan yüksək səviyyəli nümayəndə heyəti iştirak edəcək.
Sumqayit.tv xəbər verir ki,nümayəndə heyətinə Milli Məclisin sədri Sahibə Qafarova, Baş nazirin müavini Şahin Mustafayev, Naxçıvan Muxtar Respublikasının Baş naziri Cabbar Musayev və digər rəsmi şəxslər daxildir.
Məlumata görə, Əli Xameneinin vida mərasimi iyulun 4–5-də Tehrandakı Mosalla kompleksində keçiriləcək. Daha sonra cənazə Qum şəhərinə yola salınacaq.
Ayətullah Seyid Əli Xameneinin vəsiyyətinə uyğun olaraq dəfn mərasimi iyulun 9-da Məşhəd şəhərində keçiriləcək.
Xatırladaq ki, Əli Xamenei fevralın 28-də ABŞ və İsrailin Tehrana birgə aviazərbəsi zamanı yaxın ailə üzvləri ilə birlikdə həlak olub. Bundan sonra İranın yeni Ali Rəhbəri vəzifəsinə onun oğlu Ayətullah Seyid Müctəba Xamenei seçilib.
Qeyd edək ki, İranın Ali Rəhbərinin nümayəndəsi Ayətullah Həkim Elahi təhlükəsizlik səbəblərini əsas gətirərək Müctəba Xameneinin atasının dəfn mərasimində iştirak etməyəcəyini açıqlayıb.
3-07-2026, 00:26
54
