Sumqayıt şəhər Gənclər və İdman Baş İdarəsi, Gənclərin İnkişaf və Karyera Mərkəzinin Sumqayıt nümayəndəliyi və Qızıl Aypara Cəmiyyətinin Sumqayıt bölməsinin birgə təşkilatçılığı ilə 44 günlük Vətən müharibəsinə həsr edilmiş "Gənc Qalib” adlı hərbi-idman yarışı keçirilmişdir. 
Tədbir gənclər arasında 44 günlük Vətən müharibəsinin geniş təbliğ olunması, onların vətənpərvərlik hisslərinin və fiziki hazırlıq qabiliyyətlərinin yüksəldilməsi, eləcədə asudə vaxtlarının səmərəli təşkili məqsədilə keçirilmişdir. 
  6 mərhələ üzrə 12 məntəqədə təşkil edilmiş yarışda şəhərin müxtəlif sahələrini təmsil edən gənclər təşkilatlarından ibarət komandalar iştirak etmişdir. Gərgin və maraqlı şəraitdə keçən yarışda I yeri Qızıl Aypara Cəmiyyətinin Sumqayıt bölməsinin "Aypara”, II yeri Gənclər Evinin "Zəfər”, III yeri isə Gənclərin İnkişaf və Karyera Mərkəzinin Sumqayıt nümayəndəliyinin "Uğur” komandası tutmuşdur. Qalib komandalar Baş İdarənin medal,diplom və hədiyyələri ilə təltif edilmişdir. Sonda iştirakçılara hərbi və fövqəladə vəziyyətlərdə ilk yardımla bağlı ətraflı məlumat verilmişdir.