Yeni Azərbaycan Partiyası Sumqayıt şəhər təşkilatı  şəhid ailələrini və qazilərini daim diqqət mərkəzində saxlayır.

Sumqayit.tv xəbər verir ki, Azərbaycan Respublikasının müstəqilliyi və ərazi bütövlüyü uğrunda canını fəda etmiş şəhidlərimizin ailələrinə, sağlamlığını itirmiş qazilərimizə xüsusi diqqət və qayğı göstərilir. Dövlət başçısının tapşırıq və tövsiyyələrinə uyğun olaraq Sumqayıtda da şəhid və qazi ailələrinin mövcud problemlərinin aradan qaldırılması üçün mütəmadi olaraq tədbirlər həyata keçirilir.
YAP İdarə Heyyətinin üzvü Ramiz Hüseynov, aparatın əməkdaşları Sumqayıt şəhərində yaşayan qazilərə növbəti dəfə baş çəkiblər, dövlətin bu sahədə həyata keçirdiyi işlər barədə məlumat veriblər. Təşkilatının nümayəndələri qazilərimizin gündəlik qayğı və problemləri ilə maraqlanıblar. Ramiz Hüseynov ziyarət zamanı  belə qəhrəman övladlar yetirdiklərinə görə qazilərimiz valideynlərinə minnətdarlıq bildirilmiş, qeyd etmişdir ki, hər bir şəhid ailəsi, hər bir qazi Azərbaycan Prezidenti İlham Əliyevin, birinci vitse- prezident Mehriban xanım Əliyevanın, Azərbaycan dövlətinin daim diqqətindədirlər. Onlara olan diqqət və qayğı əbədidir.
Görüş zamanı qəhrəman qazilərimizin döyüşlər vaxtı göstərdikləri igidliklərdən bəhs olunmuşdur. Sonda göstərilən diqqət və qayğıya görə qazilərimiz öz minnətdarlıqlarını bildirmişlər.