Dayanma-durma qaydalarını pozan sürücülər piyadaların hərəkətinə əngəl törədib.
Sumqayit.tv xəbər verir ki, bu barədə izləyicilər Avtosfera.az-ın “Whatsapp” ünvanına video və fotolar göndəriblər. Paytaxtın Mirəsədulla Mirqasımov ilə Süleyman Rüstəm küçələrinin kesişməsində qeydə alınmış görüntüdən aydın olduğu kimi , 77-AR-662 dövlət nömrə nişanlı “Changan Uni-V” markalı avtomobilin sürücüsü piyada keçidini zəbt edib. Maşını keçidin üzərində saxlayıb ərazidən uzaqlaşan sürücü piyadaların təhlükəsiz şəkildə hərəkətinə əngəl törədib.
Qayda pozan digər bir sürücü Sumqayıt şəhəri M.Əsədov küçəsində görüntülənib. Belə ki, 77-LO-748 dövlət nömrə nişanlı “Toyota” markalı avtomobilin sürücüsü maşını piyada keçidində saxlayaraq ərazidən uzaqlaşıb. Nəticədə o, piyadaların hərəkətinə çətinlik yaradıb.
Sumqayıt şəhəri 17-ci mikrorayon ünvanında eyni qayda pozunstusunu törədən 01-CH-226 dövlət nömrə nişanlı “Toyota” markalı avtomobilin sürücüsü məktəblilərin yolunu kəsib. 
Xatırladaq ki, bu xətanı törədən sürücülər İnzibati Xətalar Məcəlləsinin 346.1-ci maddəsinə əsasən 60 manat məbləğində cərimələnə bilərlər.