Sumqayıt şəhərində tanışını döyərək qətlə yetirməkdə təqsirləndirilən Habil Qonşəliyevin cinayət işi üzrə məhkəmə prosesi başa çatıb.

Sumqayit.tv xəbər verir ki, Sumqayıt Ağır Cinayətlər Məhkəməsində hakim Nurəddin Hüseynlinin sədrliyi ilə keçirilən iclasda hökm oxunub. Məhkəmə qərarına əsasən, Habil Qonşəliyev 18 il müddətinə azadlıqdan məhrum edilib.

Xatırladaq ki, hadisə ötən ilin fevralın 4-də Sumqayıt şəhərində baş verib. Habil Qonşəliyev və Rüfət Abdullayev arasında mübahisə yaranıb. Mübahisənin nəticəsində Habil Qonşəliyev Rüfət Abdullayevə yumruq və təpiklə xəsarətlər yetirib. Nəticədə, Rüfət Abdullayev aldığı zədələrdən dünyasını dəyişib.

Habil Qonşəliyevə Cinayət Məcəlləsinin 120.2.11-ci (xüsusi amansızlıqla qəsdən adam öldürmə), 235.4.3-cü (həyat və ya sağlamlıq üçün təhlükəli olan zor tətbiq etməklə və ya belə zor tətbiq etmək hədəsi ilə narkotik vasitələri, psixotrop maddələri və ya onların prekursorlarını talama və ya hədə-qorxu ilə tələb etmə) maddələri ilə ittiham irəli sürülüb.

11-03-2025, 13:36 187