Sumqayıtda 24 yaşlı gəncin meyiti tapılıb. Hadisə şəhərin 5-ci mikrorayon ərazisində qeydə alınıb.
Sumqayit.tv xəbər verir ki, meyiti tapılan şəxsin 2001-ci il təvəllüdlü Amil Zeynalov olduğu müəyyən edilib. İlkin məlumata görə, onun meyiti qonaq getdiyi evdə aşkarlanıb. Mənbənin bildirdiyinə görə, həmin ünvanda tək yaşayan bir qadın olub.

A.Zeynalovun həmin evə hansı məqsədlə gəldiyi və ölüm səbəbi hələlik məlum deyil. Faktla bağlı araşdırma aparılır.