Sumqayıt şəhərinin N.Nərimanov küçəsində yerləşən beşmərtəbəli yaşayış binasında yanğın baş verib.

Sumqayit.tv xəbər verir ki, Fövqəladə Hallar Nazirliyinin (FHN) "112" qaynar xəttinə daxil olan məlumat əsasında dərhal əraziyə FHN-in Sumqayıt şəhər Yanğından Mühafizə İdarəsi cəlb edilib.

Yanğın dördüncü mərtəbədə yerləşən mənzildə başlayıb, lakin yanğınsöndürənlərin çevik müdaxiləsi nəticəsində alovun digər mənzillərə keçməsinin qarşısı alınıb və qısa müddətdə söndürülüb.

Hadisə nəticəsində 40 kv.m sahəsi olan ikiotaqlı mənzilin bir otağının yanar konstruksiyaları 10 kv.m. sahədə yanıb. Yanğın zamanı həyati təhlükə ilə üzləşən 1 nəfər avtonərdivan vasitəsilə xilas edilib. Bina sakinləri isə təhlükəsizlik səbəbindən təxliyə edilib. Yanğın baş vermiş mənzilin böyük hissəsi və digər mənzillər yanğından qorunub.

14-05-2025, 12:44 94