İyun ayının 28-i və 29-u tarixlərində Sumqayıt şəhərinin Nəsimi parkında “Sumqayıtın inciləri” adlı həftəsonu satış yarmarkası təşkil olunacaq.

Sumqayit.tv xəbər verir ki, yarmarka səhər saat 09:00-dan axşam 21:00-a qədər davam edəcək.

Tədbirdə yerli sənətkarların əl işləri, hədiyyəlik əşyalar, əl istehsalı aksessuarlar və digər sənət nümunələri satışa çıxarılacaq.

Təşkilatçıların məlumatına görə, yarmarkanın əsas məqsədi yerli sənətkarlığı təşviq etmək və şəhər sakinlərinə fərqli və maraqlı məhsullar təqdim etməkdir.

Qeyd edək ki, yarmarkaya giriş ödənişsizdir.
Əlavə məlumat üçün əlaqə:  050 450 97 55

27-06-2025, 11:55 24