İyulun 4-ünə keçən gecə Sumqayıt şəhərində qeydə alınan güclü külək nəticəsində bir neçə ağac aşıb.
Sumqayit.tv xəbər verir ki, qeyd olunan hadisə şəhərin 10-cu mikrorayon ərazisində baş verib.

Güclü külək səbəbindən kökü üstə aşan ağaclardan biri bir neçə minik avtomobilinə ziyan vurub. Fotolardan da göründüyü kimi, avtomobillərin bəzilərində ciddi xəsarətlər qeydə alınıb.

Hazırda aidiyyəti qurumlar hadisə yerinə cəlb olunub, zərərin qiymətləndirilməsi və ərazinin təmizlənməsi işləri aparılır.