Sumqayıt Bələdiyyəsinin sədri Adil Xudadatov növbəti dəfə şəhər sakinləri ilə görüş keçirib.

Sumqayit.tv-yə verilən məlumata görə, qəbul zamanı vətəndaşlar tərəfindən əsasən sosial məsələlər, mənzil-məişət şəraiti, sənədləşmə, yaşayış infrastrukturu və abadlıqla bağlı müxtəlif təklif və müraciətlər səsləndirilib. Bələdiyyə sədri Adil Xudadatov hər bir müraciəti fərdi şəkildə dinləyərək, məsələlərin operativ və yerində həlli üçün aidiyyəti struktur rəhbərlərinə müvafiq tapşırıqlar verib.

Görüşdə xidmət keyfiyyətinin yüksəldilməsi və sakinlərin rifah halının yaxşılaşdırılması ilə bağlı məsələlər də müzakirə edilib. Bələdiyyə sədri bildirib ki, vətəndaşların müraciətləri yerli özünüidarəetmənin fəaliyyətində əsas prioritetlərdən biridir.

Qəbulun sonunda vətəndaşlar onların müraciətlərinə diqqətlə yanaşıldığı və qaldırılan məsələlərə göstərilən həssas münasibətə görə təşəkkür ediblər.

Qeyd edək ki, Sumqayıt Bələdiyyəsi tərəfindən belə görüşlərin keçirilməsi vətəndaşlarla birbaşa ünsiyyətin gücləndirilməsi və onların sosial rifahının yaxşılaşdırılması məqsədi daşıyır.