Sumqayit.tv xəbər verir ki, Şimali Makedoniyanın paytaxtı Skopyedə keçirilən gənclər arasında Avropa Kuboku yarışında Azərbaycan cüdo yığması böyük uğur əldə edib. Yarışda 26 ölkə arasında komanda hesabında 1-ci yeri tutan yığmamız 4 qızıl, 1 gümüş və 1 bürünc medal qazanıb.

Bu uğurda Sumqayıtlı idmançılar da ön sıralarda yer alıblar. 81 kq çəki dərəcəsində mübarizə aparan Süleyman Şükürov və 60 kq çəki dərəcəsində çıxış edən Nihad Məmişov qızıl medal qazanaraq ölkəmizə və şəhərimizə böyük sevinc yaşadıblar.

Qeyd edək ki, Nihad Məmişov məşqçi İlham Məmmədovun, Süleyman Şükürov isə Fərid Ağakişiyevin yetirməsidir.