Sumqayıtda Beynəlxalq Gənclər Günü qeyd olunubSumqayit.tv xəbər verir ki, Sumqayıtda Beynəlxalq Gənclər Günü münasibətilə geniş tədbir təşkil olunub. Tədbirdə Sumqayıt Bələdiyyəsinin sədri Adil Xudadatov, “Sağlam Düşüncə” Gənclər Təşkilatının sədri Səadət Təhməzzadə, həmçinin Danimarka, Rumıniya, Türkiyə, Polşa, İtaliya, İspaniya və Qazaxıstandan gələn tələbə gənclər iştirak ediblər.
Çıxış edən Adil Xudadatov tədbir iştirakçılarına Sumqayıt şəhər İcra Hakimiyyətinin başçısı Zakir Fərəcovun salamlarını çatdırıb və Beynəlxalq Gənclər Günü münasibətilə təbriklərini ifadə edib. O, şəhərdə həyata keçirilən sosial və infrastruktur layihələr barədə məlumat verərək, gənclərin inkişafına yönəlmiş təşəbbüslərin hər zaman dəstəkləndiyini vurğulayıb.
“Sağlam Düşüncə” Gənclər Təşkilatının sədri Səadət Təhməzzadə göstərilən qonaqpərvərliyə görə minnətdarlığını bildirib və ölkədə gənclərə verilən dəstəyin əhəmiyyətini qeyd edib.
Xarici könüllülər də öz çıxışlarında Sumqayıtda onlara göstərilən isti münasibətdən və yaradılan şəraitdən məmnunluqlarını ifadə ediblər.
Sonda tədbir iştirakçılarına hədiyyələr təqdim olunub.
13-08-2025, 15:06
215
.jpg)