Oktyabrın 1-də İqtisadiyyat Nazirliyi yanında Əmlak Məsələləri Dövlət Xidmətinin təşkilatçılığı ilə Sumqayıtda torpaq hərracları baş tutacaq.

Sumqayit.tv-in məlumatına görə, həmin tarixdə ölkənin müxtəlif bölgələrində ümumilikdə 2 torpaq müsabiqəsi və 13 hərrac keçiriləcək. Hərraclar ƏMDX-nın Sumqayıtla yanaşı Gəncə, Şirvan, Mingəçevir, Qazax, Xaçmaz, Beyləqan, Cəlilabad və Şəki ərazi şöbələrində də təşkil olunacaq.

Müsabiqə və hərraclarda bələdiyyə orqanlarına məxsus ümumilikdə 15 torpaq sahəsi satışa çıxarılacaq.

Torpaq sahələrinin xüsusiyyətləri və hərraclarla bağlı ətraflı məlumatı ƏMDX-dən əldə etmək mümkündür.