Sumqayıtda itlər "at oynadır"
Son vaxtlar Sumqayıt şəhərində küçə itlərinin sayı çoxalıb. Bundan öncə redaksiyamıza müraciət edən Sumqayıt vətəndaşı bulvar ərazisində insandan çox itlərin olmasıyla bağlı narazılığını bildirmişdi.
Vətəndaş şikayəti zamanı uşaqlara, yaşlı insanlara görə ehtiyat etdiyini bildirmişdi. Bu gün isə Sumqayit.tv-yə müraciət edən Sumqayıt şəhər 13-cü mkr sakini Vüsal Qəşəmoğlu itlərin həyətlərdə çoxluğu ilə bağlı narahatlığını ifadə edib: "Mən 13-cü mkr, 38-ci binada yaşayıram. Axşam evə gələndə it topası qarşıma çıxdı. İtlər çox, mən tək. Bu quduz it ola bilər, ac ola bilər. Sanki küçə itləri yox, çoban itləridi. Heç kim zəmanət vermir ki, o insana xəsarət yetirməyəcək, adama diş atmayacaq. Mən lap qaçdım özümü xilas etdim. Bəs uşaq, ahıl yaşda olan insanlar, ağbirçək xanımlar nə edəcək ? Xüsusilə topa halında hərəkət edəndə itlərin insana hücum etmək riski yüksək olur. Elə bil, itlərin bazası var həyətdə. Adam öz işinin arxasınca gedir, fikrin qalır uşaqların yanında. Çox təhlükəli vəziyyətdi. Aidiyyatı qurumlardan xahiş edirəm, bu yöndə tədbir görsünlər".
14-11-2021, 11:25
819
Digər xəbərlər
