Azərbaycan Respublikasının Qida Təhlükəsizliyi Agentliyi (AQTA) pandemiya dövrünün tələblərinə, bu sahədə müvafiq qanunvericiliyin icrasına, həmçinin yeni növ koronavirusun (COVID-19) profilaktikasına dair Nazirlər Kabinetinin Qərarı ilə təsdiq edilmiş metodiki göstərişlərin icrasına nəzarət məqsədilə ictimai iaşə obyektlərində reydləri davam etdirir.

Nəzarət tədbirləri çərçivəsində 2022-ci il fevralın 24-də ölkə üzrə 367 ictimai iaşə obyektində 646 monitorinq keçirilib. Monitorinqlər zamanı 8 müəssisədə qanunvericiliyin tələblərinin kobud şəkildə pozulması faktları aşkar olunub. Aşkar edilmiş nöqsanlarla bağlı İnzibati Xətalar Məcəlləsinə uyğun olaraq müvafiq tədbirlər görülüb.
Pozuntular aşkar edilmiş ictimai iaşə müəssisələri aşağıdakılardır:
1. Bakı şəhəri, Nizami rayonu, Məhsəti Gəncəvi küçəsində yerləşən, hüquqi şəxs “Resant Consulting and Managment” MMC-yə məxsus “Xəzri” kafesi;
2. Bakı şəhəri, Nizami rayonu, Əlif Hacıyev küç., ev 46, m.7A ünvanında yerləşən, fiziki şəxs Qaraşov Vasif Vaqif oğluna məxsus kafe;
3. Bakı şəhəri, Yasamal rayonu, Ə. Ələkbərov küçəsi 13V, məh.528 ünvanında yerləşən, fiziki şəxs İsmayılov Mirnemət Mirbəşir oğluna məxsus kafe;
4. Bakı şəhəri, Nəsimi rayonu, Əliyeva küç., ev 220 ünvanında yerləşən, fiziki şəxs Qasımov Coşqun Novruz oğluna məxsus “Mezzo cafe” kafesi;
5. Bakı şəhəri, Nəsimi rayonu, Asif Məhərrəmov küç., ev 7 ünvanında yerləşən, fiziki şəxs Həmzəyev Cavidan Həmzə oğluna məxsus “Dana Burger” kafesi;
6. Sumqayıt şəhəri, məh. 45 ünvanında yerləşən, fiziki şəxs Ağayarlı Təbriz Adil oğluna məxsus “Meyhane” kafesi;
7. Abşeron rayonu, Məhəmmədi kəndində yerləşən, fiziki şəxs Cəfərli Hüseyn Səfəralı oğluna məxsus “Altun dönər” kafesi;
8. Lənkəran şəhəri, Osakücə kəndində yerləşən, fiziki şəxs Həbibov Firad Səyad oğluna məxsus kafe.
AQTA müfəttişləri tərəfindən respublika üzrə monitorinqlər davam etdirilir və qaydalara əməl etməyən sahibkarlıq subyektləri barədə ən sərt tədbirlər görüləcəkdir.