Ukrayna Azərbaycanın döyüş təcrübəsini öyrənirAzərbaycanın Vətən Müharibəsində qazandığı qələbə bir çox ölkələrin diqqətini çəkib. Bu sırada Ukrayna da var.
Sumqayit.tv xəbər verir ki, bugünlərdə Ukrayna səfirliyinin dəvəti ilə Bakıda səfərdə olan məşhur hərbi jurnalist Yuriy Butusov həm 1-ci, həm də 2-ci Qarabağ müharibəsinin iştirakçısı Zahir Həsənovdan müsahibə alıb. 848 saylı hərbi hissənin sabiq komandiri, Azərbaycan Bayrağı ordenli Həsənov görüş barədə bunları deyib: "Mövzu Azərbaycan Ordusunun qələbəsi ətrafında oldu. Apardığımız əməliyyatlar, döyüş təcrübəsi barədə fikirlərimizi söylədik. Keçdiyimiz hərbi yola nəzər saldıq. Ukrayna ordusu ciddi şəkildə bizim əməliyyatları təhlil edir, təcrübədən yararlanmaq istəyir. Azərbaycan Ordusunun qələbəsini öz ordusunda tətbiq etmək istəyir. Həm 1992-1994, həm də Vətən Müharibənin müqayisəli təhlili, yeniliklər müzakirə edildi. Üstəlik, qazilərin və indiki əsgərlərin vəhdətiylə icra olunan döyüş təcrübəsinə diqqət yetirildi"
29-09-2021, 14:34
847
