Son günlər Azərbaycana qarşı yönələn kənar müdaxilələr cəmiyyət içində narazılıq yaradır. Vətəndaşlar haqlı olaraq dövlətçiliyə zidd olan hərəkətləri pisləyir.
Sumqayit.tv-nin redaksiyasına məktub ünvanlayan 848 saylı hərbi hissənin sabiq komandiri, Azərbaycan Bayrağı ordenli Zahir Həsənov bu haqda Azərbaycan Respublikasının prezidenti İlham Əliyevə müraciət ünvanlayıb. Müraciəti olduğu kimi diqqətinizə çatdırırıq:
"Hörmətli həmvətənlər ! Dövlət başçısından və məmurlardan narazı olmaq, bizə haqq vermir ki, dövlətimizə, xalqımıza və vətənimizə qarşı xəyanətkarlıq edək. Aclıq bir il, töhmət min il gedər. Mən üzümü xarici kəşfiyyat idarələrinin casus və xəfiyyələrinə tutub deyirəm: "Utanın ! Dövlətin, xalqın, vətənin sirlərini xaricə ötürdüz. Minlərcə şəhid qanının bahasına yaradılmış dövlətin qaldırılmış bayrağını endirməyə çalışdız. And içirəm ki, bir gün bu xalq düşmənimiz olan erməniləri işğal etdikləri torpaqlardan it kimi qovduqları kimi, sizi də xəyanətkar kimi məhv edəcək. Allahdan qorxun, qan bahasına yaratdığımız dövlətimizə xəyanət etməyin. Cənab Prezident ! Hörmətli Ali Baş Komandan ! İcazə verin bu cür xəyanətkar ünsürlərə qarşı mübarizə aparaq. Qurduğumuz dövləti düşmənlərin tapdağı altına atmayaq. Bu yolda aparacağınız mübarizədə həmişə sizinləyik ! Cənab Prezident ! Xəyanətkar casusların əksəriyyəti din pərdəsi altında ( əsl ibadət əhlindən üzr istəyirəm) gizlənənlər və icra məmurlarının himayəsinə sığınıb satqınçılıq edənlərdi. Xalqım ! gəlin bu kol-koslara qarşı mübarizədə bir olaq. Necə ki, Vətən Müharibəsində bir olduq. Allah birliyimizə və dövlətimizə xəyanət edənlərə lənət etsin!
Hörmətlə: Qazi - Komutan Zahir Həsənov"