Londonda yaşayan soydaşlarımız Türkiyədə zəlzələdən zərər çəkənlərə yardım məqsədi ilə kampaniya başladıblar.
APA-nın Britaniya bürosunun xəbərinə görə, Britaniya Azərbaycanlıları Assosiasiyasının təşkilatçılığı ilə keçirilən kampaniya nəticəsində uşaq bezləri, isti üst və alt geyimləri, corablar, çadırlar toplanıb və Türkiyəyaə yola düşəcək avtomobilə təhvil verilib. Bundan əlavə pul vəsaiti də toplanıb.

Britaniya Azərbaycanlıları Assosiasiyasının rəhbəri Hafiz Baxşəliyev zəlzələ nəticəsində həyatını itirən şəxslərin ailəsinə başsağlığı verib, və bildirib ki, Azərbaycan hər zaman qardaş Türkiyənin yanındadır.