Vaşinqton Tel-Əvivin İordan çayının qərb sahilində İsrail yaşayış məntəqələrinin tikintisini davam etdirmək qərarından narahatdır və bu cür hərəkətlərdən çəkinməyə çağırır.
APA-nın məlumatına görə, bu barədə dövlət katibi Entoni Blinkenin bazar ertəsi açıqladığı bəyanatda deyilir.
“Bəzi mənbələrə görə, İsrailin dünən daha 10.000 ev tikmək və əvvəllər İsrail qanunlarına görə qeyri-qanuni hesab edilən İordan çayının qərb sahilində doqquz yaşayış məntəqəsini leqallaşdırmaq prosesinə başlamaq qərarından dərin narahatıq. Biz bütün tərəfləri regionda gərginliyi artıra biləcək əlavə hərəkətlərdən çəkinməyə və fələstinlilərin vəziyyətini yaxşılaşdıra biləcək əməli addımlar atmağa çağırırıq”, - deyə bəyanatda qeyd olunub.