Layihə Azərbaycan Respublikası Gənclər Fondunun maliyyə dəstəyi ilə “Tərəqqi” Gəncliyin İnkişafı İctimai Birliyi tərəfindən həyata keçirilir. Layihənin müddəti üç ay olmaqla, 20 dekabr 2022-ci ildən 20 mart 2023-cü il tarixləri əhatə edir.
Bu barədə Asiya.az-a məlumat verən “Tərəqqi” Gəncliyin İnkişafı İctimai Birliyinin sədri, layihə rəhbəri Raci Səfərov qeyd edib ki, layihənin məqsədi ətraf mühitin qorunmasında və bərpasında gənclərin ictimai faəllığının artırlmasına dəstək olmaqdır. Təlim Masallı rayon İcra Hakimiyyətinin və Masallı rayon Gənclər və İdman İdarəsinin təşkilati , Gənclərin İnkişaf və Karyera Mərkəzinin Masallı nümayəndəliyinin texnki dəstəyi keçirilən təlimdə, 24 nəfər gənc iştirak edibdir. Təlim zamanı iştirakçılara ekoloji vəziyyət və ekoloji siyasət, ekoloji sistem, ətraf mühit, ətraf mühitin qorunması və ekoloji tarazlığın saxlanması, təbii sərvətlər və onlardan səmərəli istifadə, qlobal, regional, milli və lokal ekoloji problemlər və onların həlli yolları mövzularında məlumatlar verililib, video-roliklər nümayiş etdirilərək-iştirakçılarla birgə müzakirələr aparılıb.İştirakçıların diqqətinə çatdırlmışdır ki, Yer kürəsində mövcud olan 11 iqlim tipinin 9-na Azərbaycanda təsadüf edilir. Bu amil ölkədə zəngin biomüxtəlifliyin formalaşmasında mühüm rol oynayır.Ölkə ərazisinin 12 %-i meşə ilə örtülüdür, ümumi ərazinin 10,3 %-ni isə xüsusi mühafizə olunan təbiət əraziləri təşkil edir.Respublikada 10 Milli Park, 10 təbiət qoruğu və 24 təbiət yasaqlığı mövcuddur. Ölkəmizdə ekoloji vəziyyəti gərginləşdirən amillər kimi isə, Qarabağ İqtisadi rayonunda sərvətlərimizin talan olunması, su hövzələrinin tullantı suları ilə çirkləndirilməsi, atmosfer havasına zərərli qazların atılması, biomüxtəlifliyin azalması, torpaqların eroziyaya uğraması və şoranlaşması, tullantıların düzgün idarə (utilizə) olunmaması əsas ekoloji problemlər kimi göstərilibdir. Bundan əlavə təbiətdən istifadə dedikdə necə gəldi deyil, gələcək nəsillərin ehtiyacını nəzərə almaqla, cəmiyyətin sosial-iqtisadi tələblərini ödəmək məqsədilə ətraf mühitin ekoloji tarazlığının pozulmasına yol verilmədən təbii resurslardan səmərəli və qənaətlə istifadədir.Eyni zamanda bu gün 64-cü günü tamam olan Laçın-Şuşa-Xankəndi yolundakı aksiyada gənc eko-fəalların qarlı-şaxtalı havada, fədakarlıqla iştirakı barədə məlumat verilibdir. Təlimdə fəxri qonaq kimi Masallı rayon Gənclər və İdman İdarəsinin rəis müavini Oktay Mütəllimov iştirak edibdir.
Təlimin sonunda iştirakçılara sertifikatlar təqdim edilib.
Tədbir müstəqil sosial təlimçi Afiq Məlikov tərəfindən idarə olunub.
14-02-2023, 22:48
125
